六點鐘就自己醒左啦, 個鐘都未響, 唸住七點半起身架嘛!
其實是聽見上夜班的爸爸下班回家吃飯， 一個星期都無見過面啦，想同他傾下計。
點知他入房玩電腦，咁就只好同媽媽講下野啦，她又掛住看財經新聞，不理我。
咁唯有靜靜地吃第一個早餐啦！
太早起身，好無聊，就早Ｄ出門口，七點半未到就出左去搭西鐵，因為早，可以在樓下拿頭條日報看。
天氣好冷，但又不想穿大褸，所以穿左好多衣服同頸巾。
八點就到左荃灣西，卻花了廿五分鐘才到巴士站，剛好八點半開車，半小時一班車的。
在某出口出了，好像過不到馬路呢，其實，再走遠Ｄ就過到去的。
在另一個出口出，好似對面無行人路喎，過左對面先。到了小巴總站，而不是巴士站。
無人好似我咁行既，個個都是在屋苑樓下行，不過，我又過不到去喎。
找個樓梯上去先，上到去無人咁恐怖既，又暗暗地。
通過了天橋到如心酒店，該不該入去酒店再下去呢？不過，巴士好似近對面喎。
所以，走左過對面，咦，無路下去既？走了一圈，還是入酒店度門，再下去。
經過荃灣公園門口，巴士站到了。
在車上，呆呆的，有點睏。見到個豪宅，好似差不多到咁，但又好似不似，所以無下車。
好似去錦田咁呢，好似不對路，無理由咁深入郊區架，問巴士上的人，叫我問司機，但司機開緊車。
等他停車，再問，問完，架車已經又過一個站了，總之叫司機停一停先問啦。
又不想再搭巴士，才八點四十五分，還有時間，就走一走了。
條路無人行既，有點怕怕呢，行到某處，有隻家犬對著我吠呀，咁我就過左去對面行，不理牠，牠一直吠，跟住又有其他家犬回應喎，還是硬著頭皮向前走。
走到某處，又見到兩隻野犬向我的方向慢慢行來，咁我又過去對面行，不望牠。
走了三十分鐘，終於到康樂中心了。
第一個到營地。
到地點，吃第二個早餐，原來我好餓呢！
184th Forum
搭橋遊戲，我們六個女同事一組，Team name: Ladies.
其中四個都是QA team呀，我個team。
我又做左leader，不過，是無意見的leader。
組員自發性好強，各人做各人的，沒有任何計劃。
原來某同事畫畫好叻架，又有同事匯報好好架，又有另一同事好有意見架同領導力但好似有時不夠信心就推左給人。
又有同事理解力強，另一同事就clarify D野會強Ｄ。各自有各自的長處。
Company Update好悶，講左很久公司的年報，其實，知道自己部門同整體的performance就好，其他的略說就好。
有什麼問題問？是想問你認為公司未來是會繼續增長呀，還是穩定發展呢？
一點半先吃午餐，感到很無力呢，很餓。剛才的遊戲令人太累了。
同兩位同事一起走，見到豪宅影番張先。同事又幫我影，咁就先住個巴士在面前走左，連站都不停就走左啦！
要等三十五分鐘喎，咁我們就見到架空的士，上左車先算。
千色店
根據同事指示，找到其位置。一連逛了三層，都只是看看。
耳環，還是找不到合心儀的。
風褸$160，買唔買好呢？
日程表$8，好似好平咁喎。
買唔買Ｄ野食回家呢，但好似好熱氣喎！
頸枕好似好好咁喎！
拖鞋又好似不錯！
不記得名字的商場
是有好多舖頭，款式不太吸引，所以不入去看了。
途經
匆匆見到間"In & Out" and "Mapple"，不知價錢如何呢？也沒有進去望一望。
K.W.的Polo shirt ar, 之前就買左件紅色衫，廿五元呀，好平呢。
另一商場
見到日文同學匯報時介紹的瘦面碌呀，原來是九十元一個呢，話可以碌番個瓜子面。
大眾書局有好多ＣＤ呢，心中在想不知張敬軒的一月演唱會出左碟未呢，不過，都沒有認真去找找，只是略略看看。
在Youtube聽到他2008年的演唱會，音質好靚呢，好想買番隻聽下。下次，有機會都捧下場先，哈哈，上次，臨時退縮左。
嘉禾戲院
張椅有高了點呢。大小就剛剛好，前面又不會太高遮住。地下的光都既靚呢！
（會不會好冷呢？）
預計套戲都會有點好笑先去看。
雖然有Ｄ英語聽不明，笑位有點get不到。
不過，都有點驚險啦。
片頭播的另一套戲，好似好恐怖咁呢，不過，又好似幾緊湊幾好咁呢！看完會做惡夢嗎？好似會令我做惡夢的片呢，都只有港產片疆屍系列，尤其是夜晚看完去洗手間的時候。
＊＊＊＊＊＊＊
一天的行程，好累，不過，好開心。除了工作之外，也要有點生活來調劑一下。
忙裏偷閒，笑一笑，鬆一鬆。
星期日，可以大覺瞓，好好休息下。
下星期，也要早Ｄ瞓，下星期六就可以玩得開心Ｄ，有力氣行下。
四月最後一個計劃中的event澳門之旅。
沒有留言:
發佈留言