行錯路，又出錯lift，由九樓行樓梯上十六樓，樓梯間好窄，無人都有點驚驚地。
上到十六樓，防煙門鎖左，出不到去呀，點算呢？
唯有走上十七樓，開到啦，但是那戶深鎖的門，有點恐怖呀，站在那兒等lift好，還是再上多層呢？
上多層到十八樓，又是推不動隻門呀！走番落十七樓等lift，快Ｄ到啦，我好驚呀！好驚深鎖的黑色門加鐵閘會突然間開呀！
架lift上到十七樓，無人呢，比起那深鎖的門，架lift比較親切！
到了十六樓，出到去，見不到個門牌，又是鎖住的門，不過比十七樓那個好好多了，只有一個鐵閘，見不到木門，而且是啡色的。扣扣門，不知會不會有人聽到呢，我要怎樣進去呢？最後都是致電給主辦人求救。
見到很久沒有見面的Lo爺呀，真是太耐無見了，好難得見到他呀！
又見到親切的Maggie啦，好開心呢！
我們玩左兩個board game，早到的玩左三個吧？
第一個是玩送禮物及收禮物，笑到肚子痛呢！
第二個是玩給怪物追，要逃生。
在送禮物及收禮物的遊戲中，似乎我是送啱禮物，多過收啱禮物。動物是好危險的啦！
雖然牠很可憐，但是怕就是怕啦，扶養真是不好搞我啦！
野豬同忠心的Security Guard Dog，哪一樣最恐怖？常常在IFC II 見到Security Guard Dog 呀，又不是收養牠，見到啫，都不會太怕啦！雖然看錯左以為有口罩，不過有個籠隔住，都安心Ｄ既。
大家千祈不好送動物給我呀，動物是只可遠觀，不可捉摸。雖然是好可愛啦，在腳邊也無妨啦，要養就真是咪搞我。
在真實的世界，究竟我是送啱禮物多呢，還是收啱禮物多？送禮物多過收禮物，所以也不能比較。比較上喜歡送禮多過收禮啦！哈哈！送禮不知送什麼的時候，我就寧願不送啦！
送禮多數都是送給女仔多Ｄ呢，有很多選擇，男仔都不知送咩好。好似記憶中，只是送過兩份呢，一份是回禮，人地送給我，我也該回一回吧，不過，是有點兒草率，想來也有些劣作。第二份是比較滿意，一份聖誕禮物，裝飾而已，不過，好特別，應該送得好啱才對。不過，我想那個朋友應該會忘記了。大家一起交換禮物不計算在內。呀，好似有第三份，見到它，就想起朋友好似畫畫呢，所以就同朋友夾埋一起買來，送給那個生日的朋友。那天，真是好隨意呢，原本都無唸過要買禮物，但是，見到就忍不住就買左啦，不知那個朋友有無用呢。哈哈。雖然是有點小朋友左Ｄ啦，不過，那份禮物，真是只是因為想起他而買的。第一次，見到一樣東西而想送給某位朋友，而不是為了送禮物而去買份禮物。
送手寫的信和聖誕咭給朋友，給Ｄ朋友見到我的劣跡呢，想起也有點不好意思！不知你們丟了未呢，丟了也好，某些我真是有點想無送過一樣呢！以後都是少Ｄ手寫的好了。雖然自己喜歡手寫，不過，手寫的就好容易隨心所欲地，連不應該寫的都寫左落去，寫得咁辛苦，又無理由不送出去架。從來都沒有寫了不送出去的信，有的信，真是想有個複本呢，送左出去的東西，也很少記得自己寫左Ｄ咩。好可惜次次都無scan番落去電腦度呢！
講得太遠了呢！手寫的東西，會少左很多了，因為現在是多數可以面對面說出來的，就不用寫了。好像比從前勇敢了，面對面都可以將心中的說話說出來。
我還有好多信紙呢，有空也該寫寫信給表姐，太久沒有寫信了。手寫日記已經全部棄掉，一點也不留痕跡。我手寫的東西都在朋友們那裏呢！下次要留番個複本先。
寫東西可以忘記一切，也可以理清一些事和鼓勵自己。
沒有留言:
發佈留言